Qiso Waxaan u tagay gabadh sida ninka iyo xaas is qabaa ay u dhex marto xidhiidhka qoysnimo. Qiso Ku Cibro Qaadasho Mudan.
Qiso Waxaan u tagay gabadh sida ninka iyo xaas is qabaa ay u dhex marto xidhiidhka qoysnimo. Qiso Ku Cibro Qaadasho Mudan.
Maaciz Ibnu Maalik wuxuu ahaa saxaabi kamid ah saxaabada Rasuulka (Scw), waxaa dhagar umaleegay Shaydaanka, oo wuxuu la kali noqday gabadh reer Ansaar ah, kadibna Shaydaan ayaa sedaxeeyey oo wuxuu ku dhacay faaxishadii, Ilaahay baan ka magan galnayee. Kolkuu danbigii waynaa ku dhacay saxaabigaasi ayuu Shaydaankii wax uqurxinayey isaga tagay, kolkaasuu Maaciz murugooday, wuxuuna canaantay naftiisa, isagoo ka cabsanaya ciqaabta Alle.
Maaciz oo danbigii waynaa gubayo qalbigiisa ayaa u yimid Rasuulka (scw) wuxuuna ku yidhi: Rasuulkii Ilaahayoow idaahiri, kolkaasuu Rasuulku (Scw) kasii jeestay, hadana Maaciz wuxuu ku celiyey eraydiisii, Rasuulkii Ilaahow waan zinaystayee idaahiri, markaasuu Nebigu dhahay (Scw): war dib u noqo oo Ilaahay dambi dhaaf waydiiso, hadana Maaciz intuu tagay ayuu dib usoo laabtay markaasuu dhahay: Rasuulkii Ilaahayoow idaahiri, hadana Nebigu wuxuu ku dhahay: dib u noqo oo Ilaahay u towbad keen,
hadana mar sadexaad ayuu uyimid, Nebiguna wuxuu dhahay war hoog kuu sugnaaye iska tag oo Ilaahay danbi dhaaf waydiiso, balse Maaciz markii afaraad ayuu soo laabtay markaasuu yidhi: Rasuul Allow i daahiri, markaasuu Nabigu dhahay: Ninkan miyuu waalanyahay? Ma caqligiisa ayaan taam ahayn? waxay saxaabadii tidhi: Rasuulkii Ilaahayoow wuu fayo qabaa, wuu qabaa caqligiisa.
Kolkii uu dhintay saxaabigii ayaa laba nin waxay dhaheen: Ma aragtay kan Ilaahay intuu asturay aan naftiisa u joojin illamaa laga rajmiyey sida eyda oo kale!! Nebigu wuu maqlay hadalkodii kolkaasuu ka aamusay mudo yar, kadibna waxay soo mareen wado uu yaalo dameer bakhtiyey oo lugtiisu faaxday, markaasuu dhahay: Aaway hebel iyo hebel? waxay dhaheen: waanakan Rasuulkii Ilaahow, Wuxuu dhahay: Cuna dameerkaas bakhtiyey!! markaasay dhaheen: Nebigii Ilaahow yaa cuni kara bakhtigan? wuxuu dhahay: xantii aad xamateen walaalkiin Maaciz hada ayaa ka xun inaad cuntaan dameer bakhtiyey. Markaasuu dhahay Nebigu (Scw): Ilaahbaan ku dhaartee Maaciz hada wuxuu ku dabaalanayaa wabiyada Jannada.
Nebigu (Scw) wuxuu dhahay: waar ma garanaysaan Zinadu waxay tahay? wuxuu dhahay: Haa, Rasuulkii Ilaahayoow, waxaan u tagay gabadh sida ninka iyo xaas is qabaa ay u dhex marto xidhiidhka qoysnimo, markaasuu Rasuulku dhahay: malaha Khamri ayuu soo cabay ee bal ursada afkiisa, saxaabadiina afkiisa ayey ursadeen waxayna dhaheen: Muu cabin Khamri, kadibna Nebigu markuu arkay in Maaciz afar jeer isku markhaati furay oo aanu ordina ayuu faray in la rajmiyo, waana la rajmiyey.
