Qiso Dhex martay Lamaane Aad Isku Jecelaa Iyo Dardaarankii dhexmaray-Qiso Jaceyl Cajiib Ah.
Bilowgii Nolosheenii
Nolosheena waxay bilaabatay anagoon is aqoonin waxaan ku dhalanay meelo kala fag waligeen ismaanan arkin, balse awooda ALLAH ayaa aduunyada nagu kulmisay aragtideeda waa ku faraxday anigane sidoo kale aad baan ugu farxay, ka helitaan iyo jaceyl fara badan kadib waxaan go’aan ku gaarnay Inaan is guursano oo aan mid noqonaa, hadaba waxaa muhiim noloshaas dhabta ah micnaheeda inaan wada garano guurka kadib waxa imaan kara: Waxaan u baahanahay waa inuusan fashilmin guurkeena iyo balanta aan ALLAH la galnay oo ah inaan isku baari noqonaa.
Guurka maalinka uu dhacayo dadka wey faraxsanyihiin balse aniga waan murugsanahay oo waxaa la i saaray masuuliyad aad u weyn oo ah qof aniga nafsadeeda oo kale leh inaan u ahay U adeege “shaqaale” waxaa waajib igu ah inaan meel saaraa waxad xiran laheed waxaad cuni laheed iyo wax walba oo farxadaada ku xirantahay taasne aad ayeey u adagtahay waana mida badanaa ee ku fashilmaan raga qaar, waxaa ii furan hal wado oo ah inaan kaa dhigtaa xigaal sida Indhaheyga oo kale ah oo aan wax ku arko, midaas oo ka dhigan inaan ahay ruux an la’aantaada shaqeyn karin sababtoo ah Indha la’aan lama shaqeen karo.
Waxaan u baahanahay 4 waxyaabood inan helnaa 1. Sabar 2. Go’aan Adag 3. Naxariis 4. Xal (wax walba inan isla xalinaa)
- Sabar: Waa inaan kuu sabraa markaad dhibaateesan tahay sida marka aad uurka leedahay marka aad xanaaqsan tahay. adiga waa inaad sabartaa xiliyada aan murugsanahay ama xanaaqsanahay si dhexdeena uusan u imaanin khilaaf.
- Go’aan: Waa inuu go’aankeenu ahaado mid aanan ku burbureyn si fudud, go’aankeena wuxuu noqon doonaa inaanan kala tagin ilaa geerida (dhimashada) na kala geyso mooyee.
- Naxariis: Waa inaan isku naxariisana si ALLAH noogu naxariisto qaasatan markaad xanuunsan tahay marka aan labadeena xaaladaha dhiban ku jirno waa inan is dareensiina naxariis taasoo ka dhigan jaceyl aad uweyn inaan isku qabno
- Xal: Waa inaan xalinaa wax walba oo xumaan ah oo dhexdeena ama qoyskeena soo dhex gala si wada jir ah caqlina ku dheehan si aan u ilaashano mustaqbalka ifaayo waxaa maalinkaas guurkeena ah kuu balan qaadayaa inan kuu noqonaayo sidii qeyb jirkaaga kamida oo aan kaa maarmin adigane aadan ka maarmi karin.
Nolosheena waxaa muhiim inoo ah farxad iyo inan isku qanacsanahay, waxaa kaloo muhiim ah waalidka na dhalay ee intaan nasoo gaarsiiyey inaan ku dadaalnaa farxadooda oo daqiiqad walbaa madaxa noo saarnaadaan si aan u helno caruur baari ah. Hooyadeey waa sida hooyadaa oo kale Waalidka waa inan unoqonaa sida Diinta Islaamka ay na fartay waana hubaa inaan kasoo baxeyno oo aanan dayici doonin Insha Allaah.
Dhabtii hadafka nolosha aad ka leedahay waan kugu garab istaagayaa si aad usoo taabato meesha aad hiigsaneesid anigane ma dhaqaaqi karo la’aantaada waa Inan gacmaha is qabsanaa si aan u jabinaa darbiga ku xeen daaban wadada mustaqbalkeena, waxaa ii muuqdo nolol iftiimeysa iyo guri aad u qurux badan oo Hooyo aad qurxan badan dhex joogto iyo Aabe aad bashaash u ah kuwaas oo gacmaha ka haayo caruur indhahaaga ay la dhacaayaan afkooda aan kasoo baxeynin hadal xumaan ah ilaa wanaag ma ahee.
Subixii salaada ayaan kuu kicin doonaa markaan dukano waxaa u cararayaa shaqada anigoo hamigeegu yahay inaan qoyskeyga taageero Inta aan shaqada ku jira hadii aan helaa fursad yar waan kusoo wici doonaa anigoo raba inaan xaalada gurigeyga ogaado marki aan shaqada ka imaadaa waa inan ku saacidaa sidii waxii loo baahanyahay aan u dhameystiraa. Mudo kadib caruurta qurxda badan ee aan wada dhalnaa ee dhinac adiga kaaga eg dhinacne aniga iga eg ayaan u balan qaadi doonaa si wada jira inaan tarbiyadooda iyo farxadooda ka shaqeynaa Labadeena qofki fursad u helaa carurtaas inuu ku dadaalo si berito aan u helnaa kuwa aan harsano.
