Qiso Hadii aad iguursaneyso hooyadaa yeysan imaan xaflada arooskeena- Qiso Ku Cibro Qaadasho Mudan.
Hadii aad iguursaneyso hooyadaa yeysan imaan xaflada arooskeena-Qiso Ku Cibro Qaadasho Mudan.
Waxaa jirtay Hooyo dhaqda dharka si ay uhesho xoogaa lacag ah oo ay wiilkeeda wax ugu barto si uu dhaqtar u naqdo. Mudo kadib wiilkii ayaa dhameeyey jamacada waxa uuna noqday dhaqtar heer sare jooga, kolkii uu wiilka shaqo bilaabay ayuu damcay in uu guursado, balse gabdhii uu rabay inuu guursado ayaa xujo hor dhigtay wiilka dhaqtarka ahaa, waxay tiri” hadii aad iguursaneyso hooyadaa yeysan imaan xaflada arooskeena”.
Wiilkii ayaa la yaabay shuruuda ay gabarta hor dhigtay, wiilkii ayaa u tagay oday si uu ula tashado, wuxuuna utagay oday ay aabihiis saaxiibo ahaayeen, ogaana qaabka lagu soo koriyey wiilka dhaqtarka ah, Wiilkii dhaqtarka ahaa kolkii uu arinta usheegay odaygii, oday ayaa si fudud u yiri” u tag hooyadaa kadibna gacmaheeda dhaq beritona igu soo laabo.
Wiilki markii uu tagay guriga ayuu sameeyay waxii lasoo faray, waxa uuna arkay gacmaha hooyadii oo jeex jeexan, goortii ay biyaha taabtaana ay xanuun daran dareemeyso hooyadiis,wiilkii ayaa iska ooyay, ileen hooyadiis ayaa kusoo korisay dhar ay udhaqdo dadka kale si ayy u hesho lacag yar oo wiilkeeda wax ugu barto.
Wiilkii ayaa sugi waayay in uu odaygi ku laabto,kolkaas ayuu telephone ka wacay odaygii waxa uuna ku yiri” adeer aad ayaad u mahadsan tahay talo fiican ayaad isiisay waadna mahadsantahay”. Wiilkii ayaa go’aansaday in uu joojiyo arooskii, hadii aysan hooyadiisa kasoo qeyb galeeyn xaflada arooska. Allow Hooyooyinkeena Danbigooda Dhaaf.
DULUCDA SHEEKADA: Qofkii aan qadarin fadliga hooyo ay leedahay, ma helayo wax qadariya noloshiisa.
